Prakash Raj | 1965 మార్చి 26న కర్ణాటక రాష్ట్రంలోని బెంగుళూరులో జన్మించాడు ప్రకాష్ రాజ్… ప్రకాష్ రాజ్ అసలు పేరు ప్రకాష్ రాయ్.. ప్రకాష్ రాజు తమ్ముడు పేరు ప్రసాద్ రాయ్.. ఈయన కూడా నటుడే.. ఆయన తల్లి క్రిష్టియన్, ఆమె హుబ్లీ లోని ఒక అనాథ శరణాలయంలో పెరిగిన అమ్మాయి. నర్సింగ్ విద్య పూర్తి చేసి బ్రతుకుదెరువు కోసం బెంగుళూరుకి వచ్చింది. ఆయన తండ్రిది మంగుళూరు. ఊళ్ళో ఉండి వ్యవసాయం చెయ్యడం ఇష్టం లేక ఇంటి నుంచి పారిపోయి బెంగుళూరుకు వచ్చాడు. ఒకసారి అనారోగ్యంతో ఆసుపత్రిలో చేరాడు. అక్కడ నర్సుగా పనిచేస్తున్న ఆమెను ప్రేమించి పెళ్ళి చేసుకున్నాడు.
అలా వారికి ప్రకాష్ రాయ్, ప్రసాద్ రాయ్ జన్మించారు.కర్ణాటకలో సినిమాల కన్నా నాటకాలే ఫేమస్ కూడా..అయితే ప్రకాష్ రాజ్ కి ఓ సారి డబ్బులు అవసరం రావడంతో జేబులో చూస్తే డబ్బుల కంటే సినిమా ఆఫర్ ఇస్తామన్న నిర్మాతల విస్టింగ్ కార్డ్స్ ఎక్కువగా కనిపించాయి. దీనితో అలా సినిమాల్లోకి ఎంట్రీ ఇచ్చాడు ప్రకాష్ రాజ్.. అలా నాటకాలు వేస్తూనే డబ్బులు అవసరం ఉన్న ప్రతిసారి సినిమాలు చేసేవాడు. అలా ఏడు సినిమాలు ఇష్టం లేకుండానే చేశాడు. తన విలక్షణ నటనతో దక్షిణాదిలో పేరు తెచ్చుకుని, బాలీవుడ్‌లో కూడా తన సత్తా ఛాటుకున్న నటుడు ప్రకాష్ రాజ్. తన నటనతో మైమరిపించిన ప్రకాష్ రాజ్..తెలుగుతో పాటూ తమిళ, మ‌ల‌యాళ, హిందీ భాష‌ల్లోనూ ప్రకాష్ రాజ్ సినిమాలు చేస్తుంటారు. తండ్రి, తాత, విల‌న్ ఇలా ఏ పాత్రలో అయినా ప్రకాష్ రాజ్ ఒదిగిపోతుంటారు.
మళ్లీ పెళ్లి చేసుకున్న ప్రకాష్ రాజ్
ఇక తన టాలెంట్ కు త‌గిన‌ట్టుగా రెమ్యున‌రేషన్ కూడా అదే రేంజ్ లో పుచ్చుకుంటారు. ప్రకాష్ రాజ్ సినిమా లైఫ్ గురించి చాలా మందికి తెలుసు కానీ ఆయన ప‌ర్స‌న‌ల్ లైఫ్ గురించి మాత్రం అతిత‌క్కువ మందికి తెలుసు.ప్రకాష్ రాజ్ మొదటి భార్య పేరు లలితా కుమారి. ఈ ఇద్దరూ 2009లో విడాకులు తీసుకున్నారు. ఆ మరుసటి సంవత్సరం, ప్రకాష్ కొరియోగ్రాఫర్ పోని వర్మను వివాహం చేసుకున్నాడు. దీనిపై తమిళ సెలబ్రిటీ జయంతి కన్నప్ప ఆసక్తికర కామెంట్స్ చేశారు. లలిత కుమారి తమిళ నటి డిస్కో శాంతికి చెల్లెలు.
లలిత చెన్నైకి వచ్చే ఆర్టిస్టులకు ఉండేందుకు ఏర్పాట్లు చేసేవారు. ప్రకాష్ రాజ్ కర్ణాటక నుంచి అవకాశాల కోసం చెన్నై వచ్చారు. ఆయన ఉండడానికి లలిత సహాయం చేసింది. ఆ తర్వాత ఇద్దరి మధ్య పరిచయం ఏర్పడింది. ఆ తర్వాత ఈ ఇద్దరూ ప్రేమలో పడ్డారు. 1994లో లలిత, ప్రకాష్‌ల వివాహం జరిగింది.పెళ్లి తర్వాత లలిత, ప్రకాష్ రాజ్ చాలా సంతోషంగా ఉన్నారు. ఈ దంపతులకు ఇద్దరు కుమార్తెలు, ఒక కుమారుడు ఉన్నారు. దురదృష్టవశాత్తు 2004లో ప్రకాష్ రాజ్ కుమారుడు సిద్ధూ డాబాపై నుంచి పడి కన్నుమూశాడు. దీంతో లలిత, ప్రకాష్ రాజ్ దూరమయ్యారు.వీరికి ముగ్గురు పిల్లలు. ఇద్దరు అమ్మాయిలు, ఒక అబ్బాయి.
Also Read : ఇంటికి వెళ్లి కీర్తి సురేష్ ని పెళ్లి చేసుకోమని అడిగింది ఎవరో తెలుసా..?
ఆ తర్వాత ప్రకాష్ రాజ్ బాలీవుడ్ కొరియోగ్రాఫర్ పోనీవర్మను వివాహం చేసుకున్నారు. వీరికి వేదాంత్ అనే అబ్బాయి ఉన్నాడు. కుమారుడు వేదాంత్ కోసం ఉత్తుత్తి పెళ్లి చేసుకుని ప్రకాష్ రాజ్ వార్తల్లో నిలిచారు. అబ్బాయి పెళ్లి వేడుకను చూడాలని పట్టుబట్టడంతో మళ్లీ పెళ్లి చేసుకోవాల్సి వచ్చిందని ప్రకాష్ రాజ్ అన్నారు.కుటుంబంతో గడిపే సమయం చాలా సంతోషాన్ని కలిగిస్తుందంటూ ప్రకాష్ రాజ్ చెప్పుకొచ్చారు. ప్రకాష్ రాజ్ కొడుకు కోసం చేసిన పనిని కొంతమంది నెటిజన్లు మెచ్చుకుంటుంటే మరి కొంతమంది మాత్రం ప్రకాష్ రాజ్ పై సెటైర్లు వేస్తున్నారు. ప్రకాష్ రాజ్ ప్రస్తుతం పుష్ప, అన్నాత్తే, సినిమాలలో నటిస్తున్నారు. క్యారెక్టర్ ఆర్టిస్ట్ గా తెలుగుతో పాటు ఇతర భాషల్లో వరుస ఆఫర్లతో ప్రకాష్ రాజ్ బిజీగా ఉండటం గమనార్హం.
మామిడి తోటలో తనయుడు..
ప్రకాష్ రాజ్ చిన్న కుమారుడు వేదాంత్ కి సంబంధించిన ఒక స్పెషల్ ఫోటోని ప్రకాష్ రాజ్ తన ట్విట్టర్ లో పోస్ట్ చేశారు. మామిడి తోటలో తన కుమారుడు మ్యాంగో సెల్లర్ గా మారాడు అంటూ ఫార్మ్ లో నేచర్ మధ్యలో ఇలా సరదాగా గడుపుతున్నట్లు వివరణ ఇచ్చారు. వేదాంత్ కూల్ గా మామిడి కాయలను ప్యాక్ చేస్తున్నట్లున్న ఆ ఫోటోలో కనిపించడం నెటీజన్స్ ని ఆకట్టుకుంటోంది.చూస్తుంటే వేదాంత్ కూడా ప్రకాష్ రాజ్ చేస్తున్న సాయంలో తనవంతు కృషిగా డబ్బు ఈ విధంగా కలెక్ట్ చేస్తున్నాడని తెలుస్తోంది.
ప్రకాష్ రాజ్ కి నటుడిగా ఎంతమంచి పేరు వచ్చిందో అన్నీ వివాదాలు కూడా ఆయన్ని వెంటాడాయి కూడా. పలుమార్లు మా అసోసియేషన్ ఆయన్ని బ్యాన్ చేసింది కూడా.. అయితే అతని రోల్ లో ఎవరు రీప్లేస్ చేయకపోవడంతో మళ్లీ బ్యాన్ ని ఎత్తివేశారు. బ్యాన్ చేసినప్పుడు కుంగిపోలేదు.. ఎత్తివేసినప్పుడు సంతోషించలేదు. తన పని తాను చేసుకుంటూ పోయాడు. ఇప్పుడు అదే మా అసోసియేషన్ కి అధ్యక్షుడిగా పోటీ చేస్తూ హాట్ టాపిక్ అయ్యాడు ప్రకాష్ రాజ్.
పరోక్షంగా ట్వీట్
సినీ నటుడు ప్రకాశ్ రాజ్ మరోసారి ఏపీ డిప్యూటీ సీఎం పవన్ కళ్యాణ్‌పై ఉద్దేశిస్తూ పరోక్షంగా ట్వీట్ చేశారు. ” సనాతన ధర్మ రక్షణలో మీరు ఉండండి. సమాజ రక్షణలో మేముంటాం. జస్ట్ ఆస్కింగ్ ” అని ఎక్స్ వేదికగా పేర్కొన్నారు. నిన్న తిరుపతిలో వారాహి డిక్లరేషన్ సభలో సనాతన ధర్మం గురించి మాట్లాడిన సంగతి తెలిసిందే. ఇతర మతాలను కించపరిస్తే నటులు, సినీ ఇండస్ట్రీ, వ్యాపారులు అందరూ మాట్లాడతారని.. కానీ సనాతన ధర్మంపై దాడులు జరిగితే ఒక్కరు స్పందించరని ఆరోపించారు. సనాతన ధర్మంపై దాడులు జరిగితే ప్రాంతాలు, పార్టీలకు అతీతంగా ధైర్యంగా గొంతు విప్పాలని కోరారు పవన్ కళ్యాణ్. అయితే పవన్ కళ్యాణ్ వ్యాఖ్యల నేపథ్యంలో నటుడు ప్రకాష్ రాజ్ మరోసారి ఆయనని ఉద్దేశిస్తూ పరోక్షంగా ట్వీట్ చేశారు. ప్రకాశ్‌రాజ్, పవన్‌కళ్యాణ్ మధ్య వరుస సంచలన ట్వీట్స్ చేస్తున్నారు ప్రకాష్ రాజ్.
తాజాగా ప్రకాష్ రాజ్ కి ఊహించని ట్వీట్ ఎదురైంది. ఎనిమి, మార్క్ యాంటోని.. లాంటి పలు సినిమాలు నిర్మించిన నిర్మాత వినోద్ కుమార్ ప్రకాష్ రాజ్ ట్వీట్ కి రిప్లై ఇస్తూ.. వాళ్లంతా ఎన్నికల్లో గెలిచారు. నువ్వు డిపాజిట్లు కూడా దక్కించుకోలేకపోయావు. నీకు వాళ్లకు అదే తేడా. నీ వల్ల నాకు షూటింగ్ క్యాన్సిల్ అయి కోటి రూపాయల నష్టం వాటిల్లింది. చెప్పకుండా కారవాన్ నుంచి పారిపోయావు. కాల్ చేస్తానని చెప్పారు కానీ చేయలేదు అని రిప్లై ఇస్తూ ప్రకాష్ రాజ్ స్టైల్ లోనే #justasking అని పెట్టడం గమనార్హం. దీంతో ఈ ట్వీట్ వైరల్ గా మారింది. పవన్ ఫ్యాన్స్, జనసైనికులు కూడా ఈ ట్వీట్ ని వైరల్ చేస్తున్నారు.
ఏది ఏమైనా ప్రకాష్‌రాజ్ పై కొద్దిరోజుగా సోషల్ మీడియాలో ఒక చర్చ కూడా నడుస్తోంది. పవన్.. తెలంగాణలో ముందు నుంచి కెసిఆర్, కేటీఆర్ ను పొగుడుతూ అక్కడ బీటిఆర్ఎస్ పార్టీకి అనుకూలంగా ఉంటూ వస్తున్నారు. అందుకే కాంగ్రెస్ ప్రభుత్వం పై కూడా అప్పుడప్పుడు విమర్శలు చేస్తున్నారు. ఇక ఆంధ్రప్రదేశ్‌లో కూటమి ప్రభుత్వాన్ని గట్టిగా టార్గెట్ చేస్తున్న ప్రకాష్‌రాజ్.. వైసీపీకి సానుకూలంగా వ్యవహరిస్తున్నారని చర్చలు కూడా వినిపిస్తున్నాయి. ప్రకాష్ రాజ్ ఎప్పుడు వైసీపీ ప్రభుత్వాన్ని, తెలంగాణలో బీఆర్‌ఎస్ ప్రభుత్వాన్ని విమర్శించుకపోవడం విశేషం.
బ్యాన్ చేసిన మెగా ఫ్యామిలీ
ఇదిలా ఉంటే సినీ ఇండస్ట్రీ కూడా ప్రకాష్ రాజ్ తీరుపై గుర్రుగా ఉంది. నిర్మాత నట్టి కుమార్ పవన్ కల్యాణ్‌ను విమర్శించే అర్హత ప్రకాష్ రాజ్‌కు లేదని తెలిపారు. ఇదే సమయంలో మెగా ఫ్యామిలీ కూడా ప్రకాష్ రాజ్‌పై కీలక నిర్ణయం తీసుకున్నారని తెలుస్తోంది. ఇక మీదట మెగా హీరోలు నటించే సినిమాల్లో ప్రకాష్ రాజ్‌ను తీసుకోకూడదనే నిర్ణయానికి మెగా ఫ్యామిలీ వచ్చినట్టు సమాచారం. పవన్ కల్యాణ్‌పై ప్రకాష్ రాజ్ చేసిన వ్యాఖ్యల కారణంగానే మెగా ఫ్యామిలీ ఈ నిర్ణయం తీసుకున్నట్టు ప్రచారం జరుగుతోంది. అయితే ఇందులో ఎంత వరకు వాస్తవం ఉందో తెలియాల్సి ఉంది.
ప్రకాష్ రాజ్ ఫేవరెట్ హీరో
దేవర సినిమాలో ప్రకాష్ రాజ్ కీలక పాత్రలో నటించారు. తాజాగా ఏర్పాటు చేసిన దేవర సక్సెస్ మీట్‌లో ఎన్టీఆర్ తో పాటు కొరటాల శివ, శ్రీకాంత్, రాజమౌళి, అనిరుధ్ రవిచందర్, నందమూరి కల్యాణ్ రామ్, దిల్ రాజు, ప్రకాశ్ రాజ్ తదితరులు హాజరయ్యారు. తాజాగా దేవర మూవీ సక్సెస్ మీట్ లో ప్రకాష్ రాజ్ మాట్లాడుతూ.. తెలుగు ఇండస్ట్రీలో తన అభిమాన నటుడు తారక్ అని అన్నారు. అలాగే తారక్ పై ప్రశంసలు కురిపించారు ప్రకాష్ రాజ్ దేవర సినిమా ఇంతటి ఘన విజయం సాధించినందుకు ప్రేక్షకులకు ధన్యవాదాలు తెలిపారు ప్రకాష్ రాజ్.
Also Read : నన్ను చూసిన రోజే మనం పెళ్లి చేసుకుందాం అని ఎన్టీఆర్ నన్నడిగారు… లక్ష్మీ పార్వతి
నేను ఎప్పుడూ చెప్తాను తెలుగు సినిమాల్లో హీరోల్లో నటుల్లో నాకు నచ్చిన వారు ఎవరైనా ఉంటే అది నా తారక్ అని అన్నారు ప్రకాష్ రాజ్.ఈ సినిమాలో నాకు నచ్చిన విషయం శివ చెప్పిన ఐడియా, దాన్ని నమ్మిన తారక్ అని అన్నారు. తనకు తారక్ అంటే ఎంతో ప్రేమ, అభిమానం ఉందని అన్నారు. నేనెప్పుడూ చెప్పలేదు. ఆస్కార్ ఫంక్షన్‌లో ఎంతో మంది దిగ్గజాల ముందు తారక్ మాట్లాడుతుంటే తాను ఇంట్లో కూర్చుని టీవీ చూస్తూ ఎంతో గర్వపడ్డానని అన్నారు. ఈ సినిమా కోసం ఒక దర్శకుడికి తారక్ అండగా నిలబడ్డాడని ప్రకాష్ రాజ్ పేర్కొన్నారు.
ప్రకాష్ రాజ్ ఆస్తులు
ప్రకాష్ రాజ్ మొత్తం ఆస్తుల విలువ రూ.31 కోట్లుగా ప్రకటించారు. నామినేషన్ తో పాటు సమర్పించిన ఆస్తుల వివరాలలో తనకు రూ.26.59 కోట్ల స్థిరాస్థులు, రూ.4.93 కోట్ల చరాస్తులు ఉన్నాయని పేర్కొన్నారు.గత ఏడాది సమయంలో సినిమాల ద్వారా రూ.2.40 కోట్ల ఆదాయం లభించిందని పేర్కొన్నారు. వివిధ బ్యాంకుల్లో రూ.25వేల నగదుతోపాటు పెట్టుబడుల రూపంలో రూ.2.94 కోట్లు ఉన్నాయని పేర్కొన్నారు. అలాగే 1.88 కోట్ల విలువ చేసే వాహనాలు ఉన్నాయని తెలిపారు. ఇక తన భార్య రష్మి వర్మ పేరిట రూ.20.46లక్షల చరాస్తి, రూ.35 లక్షల స్థిరాస్థి.. 18లక్షల విలువ చేసే ఆభరణాలున్నాయని ప్రకాష్ రాజ్ పేర్కొన్నారు. చిక్కమగళూరులో తనపై ఒక కేసు దాఖలైందని ప్రకాష్ రాజ్ అఫిడవిట్ లో పేర్కొన్నారు.